Okap – Se dezyèm vil peyi dayiti – yo konnen li kòm kapital touris ak istorik Ayiti. Vil la genyen yon admosfè vibwant e li kenbe orijinalitel an tèm de kilti, bote atistik ak touris. Vizite Okap se yon eksperyans nou pa dwe jan’m bliye. Moun ki abite la yo genyen yon renome paske yo  akeyan anpil. Vakans rive Chalè a cho desan’n yon dlo kokoye nan gòj se yon soulajman. Manje kasav ak manba, sezon mango se papale, mango,baptis, mango rosali, mango doudous, mango blan, mango tiyaya, ou paka pa sikre kèra’w, okap se sa nèt,  manje ti krokro, goute palèse (kenèp). 5 kè nan maten kòk la chante koukou youkou, ou tande me mchan’n lèt la, lèt kaye fromaj , ze bouyi ze bouyi, pistach kriye fig mi, two pen fre,  me bèl pannisik, Marinad 2 pou 10 kòb, yon ron’n bisiklèt  pou 25 kòb, vakans rive ale labadi, kòmye plaj, rival, benyen nan lanmè. jènnjan ak demwazèl achte papye santibon pou ekri bèl ti lèt, bèl powèm. Randevou kafedipò pou yon ti propnad ak menaj granmoun pa konnen. Dimanch rive plas ri 3 paka kenbe moun, nou pral gade televizyon, Desanm rive dyaspora debake reveyon tout kote plezi gaye, Wawwww Okap se yon vil ki makònen ak yon pakèt istwa. ann mete ansanm pou nou reviv bèl baggy sa yo ankò. OAA se pou nou, ann pote kole.